بعض المجالس مايدة بعض العلوق****عملاق الحرف ابراهيم ابورويس*** ابو نايف

بعض المجالس مايدة بعض العلوق

اللي تحرك بالنميمه اشدوقها

والمايده متولمه للي يذوق

ولا قلطوها حالفن ما ذوقها

ماني مخاوي انذال لا غبنا تبوق
ما دام ما تنبض مروه اعروقها

وبعض الاوادم لا هرج هرجه خروق
وبعض العرب ذوب العسل منطوقها

وكل البلا موكول في جوف الحلوق
كم هرجتن تندم عليها احلوقها

ولا جا يخيط الثوب عيته الفتوق
وارتوقها كبرت عليه أشقوقها

وما يستوي رجلين بلسانن مذوق
ورجلن ينقى هرجته وايسوقها

ما كنه إلا فاكهه وارخت عذوق
تقطف حلاوي خوخها وبرقوقها

وآنا غرامي بالنشامى بالعروق
خاويتها وابدع على طاروقها

ماني خوي اهل الردى وأهل الفسوق
ما دام ما وافق مذاقي ذوقها

وأنا خوي الذيب والوافي الصدوق
والسر عنده مودعه صندوقها

وبعض الرفاقه قعقعة رعد وبروق
ولا يروي العطشان لعج ابروقها

ابراهيم أبورويس