- بيت جدي
- يابيت جدي الغافي بحضن هالتلاتْ
- ياحبة تراب معطرة بخبار وحكاياتْ
- ياصوتْ الفرح بربوعنا الخضرا
- يابحة ميجنا مع صوت هالناياتْ
- يازنبقة وعيتْ مع شمس فرحاني
- تصبحْ ربها بأجمل الآياتْ
- ياشهقة الناي ملحنه بأوتار
- عصافير ترتل قصيده بأجمل النغماتْ
- داليه معربشي عَ سطوح مضويه
- ترندح عتابا وتسكر الورداتْ
- يابيت جدي الغافي بحضن هالنبعه
- بصدرها حملت كتير خبرياتْ
- صبيه عً كتافها جرار ملياني فرح
- درب هالعين ياما شهدتْ صبحياتْ
- يابيت جدي بصدرك خبار محكيه
- بليل الشتا تصحا وتنام هالجمرات
- موقد سهران فيه رماد عم يغفى
- ملقط يسامر جمر هالحطبات
- زهية بيطار
شاعرة
الأربعاء، 27 يوليو 2016
بيت جدي** بقلم الاديبة والشاعرة زهيه بيطار
الاشتراك في:
تعليقات الرسالة (Atom)
ليست هناك تعليقات:
إرسال تعليق