- ياحمام وياحمام
- ياحمام وجيت اهشك
- لاقيتك جيلي بسلام...
- جاي وجايب الف
- فرحه والف ضحكه ...........ياحمام
- يا حمام وياحمام
- جاي ترفرف بالمحبه
- جاي طاير حبه حبه
- قلبي دايب فيك محبه
- ياحمام وياحمام
- جاي ترسم ع البيبان
- عيد وفرحه من زمان
- جاي تدعي بالأمان
- ...ياحمام وياحمام
- يلا فرحني برسايلك
- وانا اسقيك وانا حايلك
- ياحمام وياحمام
- جاي فارد الخضار
- ع الغيطان وف كل دار
- قلبي طاير للسلام
- فكري حاير م الملام
- ياحمام وياحمام
- جاي تصبح ع الشهيد
- جاي تغنيلي ف نشيد
- جاي جايبلي الف عيد
- قلب طاهر وش ظاهر
- عاوز عزم يكون حديد
- ياحمام ويا حمام
- ع الحدود صبحلي يلا
- ع اللي دايس ع الزناد
- ع اللي فايت كبده ماشي
- ع اللي واخد ع البعاد
- ياحمام وياحمام
- يلا روح للي نايم واللي
- خامل صحيه يلا م الرقاد
- ياحمام وياحمام
- طير وهفهف ع الحبايب
- اللي حاضر واللي غايب
- قلب شاعر قلب دايب
- قوم وقسم في المقام
- ياحمام وياحمام
- خد معاك مرسال وهايم
- قوله ليك القلب صايم
- والعيون تخاف تنام
- ياحمام وياحمام
- روح ووزع في السلام
- ع المخابز والمصانع
- واللي خابز واللي صانع
- واللي شاري ومهوش بايع
- ياحمام ويا حمام
- ع القلوب الجاحده تنور
- ع العقول الضلمه تفكر
- ع الشفايف تندي سكر
- ياحمام وياحمام
- ولرسالة الحمام بقية
- وشكر خاص لملهمي تلك الحروف
- الشاعر ابراهيم القاضي
- عبير عبده
شاعرة
الاثنين، 29 أغسطس 2016
ياحمام وياحمام****الشاعرة عبير عبده
الاشتراك في:
تعليقات الرسالة (Atom)
ليست هناك تعليقات:
إرسال تعليق