- أهلي وزمالك )
- يا منجى من المهالك
- الدماغ أهلى وزمالك
- هو الماتش الساعة كام
- مستحيل أبدا هنام
- لو هيخسر يوم فريقى
- اعتبرونى شخص هالك
- طيب وبلدك لما تخسر ؟؟
- ليه ما تقولش يا بلدى مالك
- ليه ما تقلوش يا بلدى ينفع ؟؟
- ياللى عامل فيها سالك
- بس الفرق فى الخسارة
- بين البلد وبين الزمالك
- الزمالك لما يخسر
- كل خسارته هى كورة
- لما تكبر الخسارة
- يبقى هيخسر كام بطولة
- بس بلدك لما تخسر
- الخسارة بتبقى قوتك
- يعنى تفضل زى ما انت
- وقطر العمر قوام يفوتك
- انسان ضعيف اتهد حلمك
- جنب الحيط مستنى موتك
- الزمالك لما يخسر
- الناس بتزعل وتقول حرام
- والحكم ده ابن .....
- كله يفتى فى الكلام
- طب شبابنا لما ماتوا
- ع الحدود وفى الميدان
- وقلنا لازم حقه يرجع
- باتحادنا للأمام
- فجأة مات الحق بيننا
- غاب وتاه وسط الضلام
- ليه ما حدش قال ساعتها
- ان الظلم ده حرام
- فرحانين ببلد فى صورة
- فرحانين بماتش كورة
- شوف فى شارعك كام ماسورة
- ضربت والدنيا زحام
- شوف تطور العلام
- شوف ولادك فى المدارس
- شوف طريقة الكلام
- جوه الدفتر شوفت فارس
- كاتب بيحب ريهام
- مع ان فارس فى ابتدائى
- وريهام خطيبة عبد السلام
- وعبد السلام يبقى المدرس
- اللى بيحكى عن ريهام
- طفل كاتب انه حب
- بالذمة ده يبقى علام ؟؟؟
- ياللى دافع دم قلبك
- علشان تشوف اهلى وزمالك
- لو تبص تلقى جنبك
- الف شخص لبسه هالك
- انت لابس بطانية
- هو نفسه يلبس كذلك
- اتبرعله باى حاجة
- وابقى قول يا بلدى مالك
- فى النهاية هادعى ربى
- انه ينجينا من المهالك
- وفى صلاتنا نروح نلبى
- مش نشوف اهلى وزمالك
شاعرة
الاثنين، 3 أكتوبر 2016
أهلي وزمالك )**محمد مزيان
الاشتراك في:
تعليقات الرسالة (Atom)
ليست هناك تعليقات:
إرسال تعليق