- فى نُص الليل والناس نِيَام
- نُفُوس بتمِيل والحَاله انسِجام
- كاسَات تِخَبَّط فى بعضها
- إشرب يابيه مع المَدام
- ناس تظبّط تعيش ليلتها
- كأن لِيلها هُو الخِتام
- ضحكه عاليه وبُوسه هايله
- البُوس ياغاليه رمز احترام
- وقاعدة تِحلَى بأحلى مُزّه
- تلمس إيديها يرُوح الكلام
- رقاّصه مُزّه تِهزّ هَزّه
- مين ساعتها يقدر ينام !!
- لحمْ رخيص ..مين يشترى
- قرّب شُوف هاتدفع كام
- وقوم يابيه رُش فلوسك
- والمس بإيدك صدر تمام
- انسى الكرامه
- انسى الشَهَامه
- عشان تعِيش لحظة غرَام
- أمّا المبادىء مع السلامه
- هنا المبادىء تعشق بِكَام؟
- شعر حرير ع الكتف نازِل
- المس بإيدك واربط سلاسل
- وضحكه عاليه تفُك اللِجَام
- اهمس بكلمه وهدّيه حلوه
- ما انت يابيه أخرك كلام
- مقامَات كبيره حَولّتهَا بِيرَه
- شَواذ حقيره مالها مَقام
- قَضِّى يومَك واقلع هدُومك
- وصوره ذكرى للأيام
- خلاص يابيه خُلص الجنيه
- روّح بقى عَشان تِنَام
- سِهرت لِيلك وكأن لِيلك
- ماكنش إلا يَدُوب مَنام
- قَمر سامعهم يلعن كلامهم
- ينادى الشمس تيجى أوَام
- تقُوم بدورها وترمى نورها
- حتى القمر كِره الظلام
شاعرة
الأربعاء، 5 أكتوبر 2016
فى نص الليل‘‘‘‘ للشاعر سيد عبد الوهاب
الاشتراك في:
تعليقات الرسالة (Atom)
ليست هناك تعليقات:
إرسال تعليق