زعلان ☆☆بقلم فيصل بدر

((( زعلان )))
زعلان اننى إنسان
كنت اتمنى أكون حيوان
لا يحس ولا يشم
ولا يعرف ايه حرق الدم
وبياكل بتناحه وقلة زوق
وبيشبع رغباته فى أى مكان
أنا زعلان علشان حساس
علشان جوايه
بركان حب لكل الناس
والناس أنواع
نوع زى الدهب المتعفر
محتاج تلميع
نوع زى الخيمه الدايبه
محتاجه ترقيع
نوع زى الفحم قلوبهم
محتاجه توليع
وهكون زعلان
كان نفسى الناس تبقى دهب
ولآلئ وياقوت
كان نفسى الناس تعرف ايه الفرق
بين الانسان  والحيوان
الفرق ان الانسان فنان
وانا انسان زعلان
                                                        شاعر القريه
                                                                   فيصــل بـــدر