قلم..حمدى البسيونى
وقد كان
ياللى كل كلامى حكاوى عندك
وململت الحال بقت حته منك
تيجى يمى او اجى انا يمك
مايهمنى الكلام وبرضه مايهمك
وقد كان
من متى كلام العزول له عازه
ده زى نبش الفراخ ماله جازه
طب ناخد منه راحه واجازه
ونقول اللى نقوله بجوازه
وقد كان
نخليها سهريه وكلام كله حنيه
طلما الشجره علينه مطويه
ومن عين الحساد لينا مخبيه
يبقى العشق فى ضلها حلال
وقد كان
هو الجمال الربانى ياولاد ينساب
ده يبقى عندنا عيبه وسط الاحباب
وفى سيرتنا يقولو مافينا شباب
والله لنحب حتى من ورا الباب
وقد كان
يازينه وصالك صان للحلوين غلا
يقولو سكر معقود للشراب حلا
طب لو طلو للعيون للبو الندا
وطلبو البدور وبرسمك فى السما
وقد كان
ياام الشال الاسمر والبياض تحتيه
والخد باكك الدم منه والشال مادريه
لو اقسمو انك حوريه باالقسم ابريه
ياهنا اللى صاحى وفى حبك تجاريه
وقد كان
ليست هناك تعليقات:
إرسال تعليق