~~~~(حلمي كان عصفور)~~~~
بقلم/ حسين ابراهيم
أنا
حلمي كان عصفور طاير
يحلق في السما
طاير أنا وياه
لاعمره يوم إشتكى ولا حتى
آن وبكى
ولاعمره قال الآه..
في يوم كان واقف على غصنه
فرحان بيغني
وقف جنبه وليف للحب مستني
غنى معاه غنوته
شكا الوليف لوعته
حلمي حن عليه
بالحب مد إيديه
حس إن ده الحب اللي بيستناه
حلق معاه يرفرفوا في إتجاه الشمس
كل غناهم همس
أيام على دا الحال
وهما في ترحال
من غصن للتاني
ويرجعوا لعشهم
بفرح واماني..
وفي يوم ماكان له نهار
هجر الوليف عشه
حلمي عاش محتار
ليه الوليف غشه!!!
من يومها عرف الأه
وتعبني أنا وياه
حلمه الجميل إنهار
ضاعت أماله معاه..
ليست هناك تعليقات:
إرسال تعليق