- ؛؛ عتــــاب يا دنيـــــا ؛؛
- ؛؛>>>>>>>>>>>>>> ؛؛
- زعلانه منك يا دنيا ..
- وشايله ليك عتاب كبير ..
- كل احلامى فى ثانية
- كان طريق مفروش حرير ...
- بس انتى كنتى قاسية
- واندبح قلب العبير ...
- ليه رميت الورد فوق برد الطريق ..
- ليه رسمتى الفرح مجروح او غريق ..
- هو انا مش قلب طفلة ...
- حقه يحلم بالأمير ..
- بس زعلانه منك ..
- عندى ليكى عتاب كبير
- ليه سرقتى من ملامحى
- ضحكتى من بين ضفايرى ..
- واما اجرى ولا العب تسرقى
- شمس المحبه فوق ستايرى ...
- هو انا مش كنت وردة فوق ربيعك ...
- ايه جنيته ياللى دايما
- شدنى لليل دموعك ...
- كنت نسمه حلمها تفرح تطير ..
- لسه عندى ليكى باقى عتاب كبير
- كانت الاحلام بتشبه
- بسمتى فوق الشفايف ..
- كان هواها وليد بيكتب فرحته ..
- ولا كانش عارف ..
- القساوة شيء طبيعى ف غربتك ...
- مهما كان الفرح يشرق ..
- ينكسرفوق دمعتك ..
- حاجة قاسية فوق مدايا ..
- النسيم اصبح هدير ...
- بس لسه باقى ليكى عتاب كبير
- ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
- عبيـــــــر الجنــــــــــــدي
- همسـღـات اســــتثنائــღــة
شاعرة
السبت، 3 ديسمبر 2016
عتاب يا دنيا *** بقلم عبير الجندي
الاشتراك في:
تعليقات الرسالة (Atom)
ليست هناك تعليقات:
إرسال تعليق