- (اعقل بقلبك) 31/ديسمبر/2016
- ************************************
- هات الفرج يا كريم انت صاحب الفرج... يارب
- واكرم عبادك بكرمك وطمن يارب........... القلب
- رزقت الجنين ف امه وخرجت النبات م الحب
- وماليت قلب الوحوش لولادها بكل....... الحب
- حنيتك ما ف أم يارب و لا حتي ف قلب الاب
- الرحمه من رحمتك سبحانك بيها يهون الصعب
- هات الفرج ياكريم انت صاحب الفرج.... يارب
- كريم عظيم وحليم وجميل ف كل........ الامور
- رازق لكل العباد حتي اللي عبد ...........الغير
- فضلك مالوهش حدود ف الوصف و التفسير
- واللي عايز يحسك ينظر ف ......سرب الطير
- طايرين ف وسط السما ما حد عدا........ أمير
- ولا تاه فيوم فى رجوعه من رحلة.... التهجير
- و لا راحت عليه نومه تلا قيه ديمه ف تبكير
- مين هداه لطريقه ومين علمه ...........الطير
- أفهم ياللي ما تعرف ........داشغل رب قدير
- وانظر لتجميعه ساعةالمطر ما............. يصب
- هات الفرج يا كريم انت صاحب الفرج يارب
- وانظر لطول الجبال .........مين اللي رساها
- والميه حلوه ف مالح ........مين اللي حلاها
- و انظر لبعد السما .......... مين اللي علاها
- وانظر بعين اللي يفهم تلقي الحكيم سواها
- واعقل بقلب حكيم يا عبد............ نعم الرب
- هات الفرج ياكريم انت صاحب الفرج يارب
- العبد لله/محمد الشاذلي
شاعرة
الأحد، 1 يناير 2017
اعقل بقلبك *** بقلم الشاعر محمد الشاذلي
الاشتراك في:
تعليقات الرسالة (Atom)
ليست هناك تعليقات:
إرسال تعليق