مصر مين *** بقلم حسين ابراهيم

• $$$${ مصر مين}$$$$
• بقلمي..حسين إبراهيم
• بتسأل مصر مين
• أنت مين 
• ياجاهل ياحزين
• مصر
• مش ميدان وشارع
• مصر 
• حارة جوا حارة 
• زقاق وعطفة
• مصر
• كنيسة جنب جامع
• مصر
• ابراج الحمام والصوامع
• مصر 
• بولادها العراقنين الشقاينين
• ال بيفلح أرض وإل جوا 
• المصانع
• مصر 
• بتلاميذ المدارس وإل في
• معهد وجامعة 
• وإل عالجبهة شايل سلاحه
• بروحه عنها يدافع
• مصر 
• علما في المعامل ودكاترة
• مالشعب العامل
• إل براية العلم نافع
• مصر 
• الست إل شايلة كيس خضار
• ولاسرة عايلة
• وجوزها إل سهران لصوت
• الأمن رافع
• مصر 
• فاطمة جوا وابور طحين
• راجعة دارها 
• لولادها تخبز العجين
• مصر 
• بهية وسط الارض تحرث
• ومن عرقه يرويها ياسين
•  دي مصر ياموترين
•