يا بوي..للشاعر المبدع المتالق/ جهاد حداد

............... يا بوي ............. نفسك أوصى بيها رب الكون لا تظلمها ولا تأذيها ونهاك عن دروب التهلكة ابعدها وإحميها ولا تظلم الناس وتظن بيها وبعض الناس عطرة طراويها وإن نطقت قول الحق ولا تبليها زي ما عندك احساس الناس ليها ومثل ما عندك أسرار الناس لها اسرار عنك تخفيها وإن شريت اشتري ذهب والماس وخليها والحاجة اللي ما تسوى لا تقتنيها ولا تضيع عمرك تجمع لك نحاس وآخر الايام تغير لونها وتصديها ترا حوادث الايام ما تزدريها ولا تقول الراي والفكر محتاس والكلمة قبل تقولها راعي راعيها واذا ما تفيد نصيحة لا تقولها أو تحكيها صمتك على الكلام بلا عقل ومقياس ابرك ليها وان تورطت لا تعنيها خلك جبل ما يهزك ريح واسكن علاليها ترا ما تضمن هبات الزمن ولا تشتهيها ويمكن بزله ينقلب عاليها واطيها يابوي منت صغير الحجم قرطاس شانك بالدنيا كبير وصيتك الحشم معبيها شيخ أبن شيخ كريم النفس بالحق معتليها بضع الناس لو طاحت تختنق والانفاس عنك تخفيها وبعض الناس تواري طيحتك لأجل تعتليها وتبوق بيك والحقيقة عنك تخفيها خلك أصلب من الحديد ونفسك لا تطريها خلك مثل الماس قاسي الراس ولو ثقلوا ضربة الفاس تصدها بقوة مشهود ليها وتتعج راسها وللحق تحنيها واذا بنيت لك علاقة خلي اساسها الصخر واعتليها ولا تندم على علاقة اساسا ما ليها والناس اللي ما تفرحلك لا تجيها خلها بحسدها وقهرها تموت فيها وأرضي النفوس اللي تواسيك ورحب بيها ترا الخوة اللي ترفع الراس ماحد يوطيها وتغور منهو له خوة لها عذاريب يرويها والبس لك من ثياب العز عباة تبيها وخلي خيوط الفخر مطرزة بعراويها ولا تحمل النفس فوق طاقتها وتأذيها تراك لو زعلت من الزمن القلاب تروح فيها واصبر على احوال الدنيا ما يوم ضاقت والا فرج ليها وإن انجبرت او أبتليت نفسك لغير ربك ما تحنيها وتواضع بنفسك ترا الناس ترفعها وتعليها .......... وسلامتكم كلمات الشاعر جهاد حداد والحياة كلمات تحياتي في ٢٠١٧/٨/١٨