اغنية تراثية بين الأعزب والعزبي ..للشاعر المبدع المتالق/ عدنان الخلف

اغنيه شعبيه طريفه مع قصه سابقاً كانت الافراح والاعراس والدبكات تقام في ساحة القريه وتمسك الصبايا والشباب بأيدي بعض ويغني اوتغني من صوته جميل ويرد ورائه الحضور من اللذين في ساحة الدبكه وهذه اغنيه محاوره مابين شب وصبيه اعزب وعزبه كانوا يحبوا بعض واختلفوا وصار كلن يعير (ينعت)الاخر هي للمرح ومن التراث اسم الاغنيه (بين الاعزب والعزبي) . . . بين الاعزب والعزبي قصه جديدي ياحضار صاير بيناتن حربي وصاير قتل وضرب حجار صاير بيناتن حربي وكل كلامن بالمعيار . الاعزب الاعزب غنا وقال بيوت عالعزبي هل مسكيني لوكان هلق بدا تموت ماعدت انظرها بعيني ياعزبي يام الكبوت يام الحمره والزيني حكيك عندي مالو سبوت وقلبك للغير بيندار . العزبي وحياتك قلبي صافي يااعزب خليك مليح لحلفلك عهد الوافي موسى وسيدنا المسيح لوتنظر حمر شفافي عقلك من راسك بيزيح تتمنا تزور لحافي ولو ركبك كل المعيار . الاعزب بحضي بديني كزابي والمكر مكر النسوان انا عندي بكتابي والعزبي مالا امان ياعزبي يانصابي لافعالك ماني نسيان كنك بتبوسي ركابي تامحي عنك اسم العار . العزبي وحياتك مابتمنا ولاني كتير مكلفتك قوم اتقلع من عنا ودور علي موالفتك عالعاجوز بتتمنا ولوكانت من طايفتك حاجي تحكي وتتكنى وتاريك برنجي مكار . الاعزب ياعزبي يخرب بيتك شو انك فاجوريي نسيتي يومن حبيتك بكعب الراحه الشاميي انا بعيوني شفتك حبيتي غيري ميي كنك حوريي عفتك وبالله اشهدوا ياحضار . العزبه يا اعزب لاتحكي زور العالم يعرف بحالي لاتدعي اسمك مشهور نجمي علا نجمك عالي يااعزب اطلب دستور تاخليك تحكي قبالي انا ست بأعلى قصور المتلك يخدمني بالدار . الاعزب الاعزب قلا بالمقلوب مين بيخدم للتاني عقلك بهوايي مسلوب وكل العالم درياني ياعزبي يم العيوب زلاتك تحت لساني لمن ببعتلك مكتوب بتجيني لنص الدار . العزبي يااعزب ايمت جيتك اللي بيحكي لازم يصدق انا بعرف اصليتك بأنك خوان وبندوق وحيات اليعرف نيتك لاخلي قلبك محروق روح وحشم اهليتك بلكي بصرلك يامشحار . الاعزب انا مابدي اياكي لوكنتي بدر التمام عمنو غيري تحاكي طلقتك متل الاسلام وحيات اللي سواكي لاخليكي تروحي اعدام هاده اقل جزاكي وخرجك تنحرقي بالنار . العزبي انا ايش مسوايي حتى بدك تحرقني العيب عليك ماهو عليي وين مارحت بتلحقني شفتك بالحاره صدفي وغمزاتك بتضايقني لوبدي من شكالك مييه شوفن حواليي كتار . الاعزب ياعزبي ياملعوني كلامك من يمي قاسي انا شفتك بعيوني مبارح كنتي تنباسي كنت مرباكي زبوني وعبالياكي ناسي طلعتي برنجي ملعوني وزبونك عندك بالدار . العزبي وحياتك ماعندي زبون ولاهي من عاداتي يااعزب لانفسك صون حكيك مافيه سباتي وحياة كلمن حاضر هون تتمنا عاملاغاتي وانا بعرف بلمضمون والاعزب اول مكار . الاعزب ياعزبي سدي تمك لسه بتحكي والك عين كم مره بأيدي ضمك وفي عليكي شهود تنين اول شهودي امك والتاني ابوكي عين بدك جباني تطمك احسنلك من هل معيار . العزبي يااعزب ماني قدك أديتلك الطاعه سامحني برحمت جدك يابو خدود اللماعه اعطيني تا امسك حدك من معروفك شي ساعه تشبك يدي بي يدك وبلكي للعشره بتندار . بين الاعزب والعزبي قصه جديدي ياحضار صاير بيناتن حربي وصاير قتل وضرب حجار . . عدنان الخلف في 17/8/2017