قصتي غريبة .. للشاعر المبدع المتالق/ جبيلو ادريس

قصتي غريبة
نفخت ف الناي بكاني
وبكات القصيدة ف لساني
اشواق حروف المعاني
ب دموع اجفان عياني
ياللا ويا للالي داني
حبك بعيني غواني
سرق شوفتي وكواني
جرح الگليب وما دواني
مرايتي يا الغداره مگواني
مرسولك راه عياني
الغرام بلياليك بلاني
همسك نساني عنواني
اللي تسنيتو ما جاني
ودبال الورد ف جناني
وصبحت قصتي غريبه
وقعت لي ف داك الدريبة
العين طمعت ف الزبيبه
وهتكت عرض الزريبه
وسالت دموع حبيبه
على خدود المصيبه
والسوالف مسرسبه سبيبه
على كتاف الخطيبه
الگاديه ف نفس النسيبه
عوافي ف سروال العزيبه
ومحراب بلا بويبه
تحرم صلاتو يامحيجيبه
ف دوارنا ودوار مجيديبه
يلا ماتغناش ب دم الوجيبه
بقلم ادريس جبيلو
المغرب