يا ام العيون شبه الغزال ..للشاعر المتالق/ ناصر حلمي عبد المقصود

يا أم العيون شبه الغزال

• سبحانه من خـلق الجمال

• صوّر شفـــــايفك بالهلال

• والوش أجمـــــل م القمر

• عودك يا حلــوة خيزران

• والشعر خصلة من الحصان

• والـــورد طارح فى المكان

• مستنى لمحة من البصـــر

• معقــــــولة أنتِ من البشر

• يا أم الرموش شبه السيوف

• الله عليكى فى الكســــــوف

• بعد اللى شوفته ازاى أشوف ؟

• قلبي اللى حبك انتصـــــــــر

• يا وردة طــــارحة فى جنتي

• أنتِ حيـــــــــــــــاتي ودنيتي

• تكمــــــــــــــل بحبك فرحتي

• لو يــوم بعــــــــــدتي أنكسر

• بحلم ببكرة يكــــــــــون أمل

• ولقصة حلــــــوة أكون بطل

• والناس تشـــــــــاور ع الأثر

• ويقولوا فــــــــاز بعيون قمر

• بعشقك مـــلامحك في الهوى

• يا أم العيون المغـــــــــــرمة

• النظرة لعيــــــــــــــونك دوا

• البدر من خــــــــوفه اعتذر

• لمــــــــــــا لقاكي بتظهري

• وفى كــــــــــل حتة تنوري

• قال آه يا خــوفي لتسهري

• ويمــــــوت شهيدك والفجر

• يا أم العيون شبه الغــــزال

• سبحانه من خـلق الجمــال

• صوّر شفـــــايفك بالهــلال

• والوش أجمـــــل م القمــر

• الشاعر / ناصر عبد المقصود