كلها وفاسو .. للشاعر المبدع المتالق/ جبيلو ادريس

كلها وفاسو
مال حالي
ماواتى حالك
مال مالي
ماگد مالك
تخالفوا الريوس
فراس العروص
ماعرفت غاده
عند المرزاق
ولا عند المنحوس
يا داك المحسوس
گللي علاش مقروص
ماشي هادي العاده
الليل والفراق
غمه للنفوس
مال اولادي
مابحال اولادك
مال اوتادي
ماگد اوتادك
كلها وفاسو
وجدر ناسو
ها الاحرار
ها العبيد
كلها وطاسو
ياللي الصداع قاسو
شفتي لراسك قياسو
ها المجمار
ها الوگيد
كلها ورصاصو
مال الغنا(ء)
وللى يبكي
مال الهنا(ء)
مع بنت المكي
فين فالك من فالي
كن معايا هلالي
قرا بهبالك مقالي
تعرف اسرار هبالي
وعلاش الناي
غنى موالي
وقرا مقالك بهبالي
تعرف حولان حالي
وعلاش الراي
هو راس مالي
بقلم ادريس جبيلو
المغرب