إوعي تصدقيهم...الشاعرة (جيهان عكاشه)

• إوعي تصدقيهم...
• لو قالوا عني مابحبكيش.
• بنسي نفسي وأنسي روحي.....
• بس قلبي مانساكيش.
• إسألي الدم اللي ساري في عروقي وشراييني..
• إسألي النبض اللي جاري جوه قلبي وفوق جبيني..
• مانتي حزني وإنتي عيدي...
• وإنتي شرياني ووريدي..
• وإنتي وجعي اللي عشقته...
• وشعري اللي كتبته بخط إيدي.
• ومهما بعدتي ونسيتي...
• ومهما قسيتي وقاسيتي..
• أنا منك وأنا ليكي...
• أنا حصنك وهفديكي..
• ومهما قفلتي أبوابك...
• أنا راهب في محرابك..
• أنا جيتلك وهتوضي...
• بميه نيلك الفضه..
• شايلك في القلب والنني...
• طب واقفه ليه بعيد عني..
• وليه حرماني من وصلك...
• ياكل الغالي يرخصلك.
• (جيهان عكاشه)