الاخ اوعى تخسره *** بقلم محمود شبيب

• الاخ اوعى تخسره انكنو عنيد
• حتى ان اخطا اصفح وسامح خطاه
• ان شد فيك الحبل حاول ما تزيد
• ارخي الحبل من قبل يوصل منتهاه
• وقت الزعل لا تعاتبه-ما بتستفيد
• حاول تلومه وتنصحه بساعة رضاه
• لا تبتعد عنه ولا تظلك بعيد
• خليك منه دوم عا مرمى العصاه
• ومهما بيحصل خيك بيبقى عضيد
• واولاد عمك ما الك عنهم غناه
• الناس ما بتهاب من عايش وحيد
• لو كان رايه دوم يا صاحب سديد
• ما في حدا في شدته بيوقف معاه
•  ====محمود شبيب ====