المسرحية *** بقلم ابراهيم فتحي

• المسرحية
•  ***********
• باقي ايه نبكي عليه
• والسعادة بتتسرق 
• من بين أصابعنا البريئه
• كل فرحه تضل عنا
• والأمان رافض يجيلنا
• والحياه بطعم المرار
• والقلوب جواها نار
• والعمار أصبح دمار
• والهموم هدت ف حيلنا
• آه يا دنيا بينكشف كل اللي يتغر بوعودك
• ضحكتك أو نظرتك
• مكسيه عفاريتك ودودك
• عوزاني يوم أخدك ف حضني ؟
• لاجل أشباحك تاخدني ؟
• والتقيني ف لحظة ضايعة
• لعمر ضايع ومعاندني ؟
• طب ايه لو اترد السؤال ؟
• واللي جاي أصبح محال
• وانفرط من ايدي برضو
• كل حبات الوصال ؟
• العناكب هيه هيه
• والتعالب رايحه جايه
• والقلوب السوده ياما
• واقفه تستني الضحيه
• هيه دي المسرحيه
• ناس بتضحك ف الوشوش
• والوحوش جوه خفيه
• آه لو اقدر كلمتي توصل لقلب المجروحين
• آه لو اقدر قصتي يسمعها عقل المنصفين
• أنا كنت شيلت الحمل كله
• من غير ما كل
• من غير أنين
• بس ياريتهم يسمعوا
• ولا يسمعوش المغرضين ‘‘‘‘‘‘‘‘
• بقلمي
•  21/2/2017
•