انا البلياتشو .. للشاعر المبدع/ خالد المنصوري

انا البلياتشو كل أيامي بتشبه بعضيها وبعيش حياتي ومقضيها بوزع فرحتي على وشوشهم وجراحي ومين حاسس بيها انا البلياتشو عايش بتمشى على المسرح بتشوفني الناس تضحك تفرح وهمومي أوام فى عيونه تطرح فبخبى دموعي فى الالوان انا البلياتشو بيخدع جمهوره بالضحكه ويقولو الله على حركاته يعمل مبسوط وسط السقفه ويدارى فى الضحكه أهاته انا البلياتشو بيلون نفسه بلون الصيف مع ان عنيه بتموت م البرد يرسم ع المسرح ألوان طيف بس الالوان جواه بتتهد انا البلياتشو وشه الزعلان يحكى حكايه فى وشوش الناس عينها مرايه بتبين من جواه روحه وبتكشف زيف الضحكايه انا البلياتشو بيلون عينه بشمس نهار مع ان الليل حابس روحه ودموعه بتجرى كما الانهار بتلطم فى القلب جروحه انا البلياتشو أنا والبلياتشو منفرقش كان هو الاصل وأنا الصوره أنا والبلياتشو مفرقتش نظرتنا السوده المكسوره انا البلياتشو شفت البلياتشو فى مرايتى وأزازها الباكى البهتان وهتفرق أيه لو ع المسرح حتي أو كنت انا وسط الجمهورتعبان انا البلياتشو هفضل بلياتشو غلبان بدارى غدر الدنيا فى ألوان عايش ايامه في امان وحياته مقضيها كما الانسان انا البلياتشو خالدالمنصوريblockquote>