- جرح الحبيب
- لحظة صفا تداويه
- وجرح العدا
- تراب الوطن يداويه
- و جرحك ياخُوى
- احتار الأطبا .. فيه
- أنا السهران على حدودى
- ف عز البرد
- وحضن الوطن يدفينى
- أحمى بلادى واولادى
- واصون العرض
- ورضى ربى يكفينى
- غنايا عشق الوطن
- وأهلى موالى
- بأدى الفرض واصلى
- ع النبى الغالى
- انا بحبك يا خوى
- وانت ليه بتظلمنى
- ومين عطاك الحق
- ا نك تكفرنى
- انا اللى شلتك
- جوه العين والننى
- فى شرع مين
- اسهر انا احميك
- وانت تقتلنى
- ليه تستحل الدم
- والدم ليه حرمة
- ياخويا راعيها
- كفاية قتل حرام
- ضيعتم الأمة
- ودمرتوا مراسيها
- أنا استخلفنى ربى
- أعمر أرضه وابنيها
- ليه باسم الخلافة
- تهدم مبانيها
- لسة فى بلدى رجال
- فاهمة صحيح الدين
- ارهابكم زادها عناد
- تمنع تجارة الدين
- انا عشقى لوطنى فرض
- وواجبى اصونه واحميه
- احمى الحمى والعرض
- واللى اتهدم أبنيه
- واللى يبيع الوطن
- حياته مالها تمن
- ولايفيده ندم
- و تحرم عيشته فيه
- ...........................
- ( أبو يوسف صبرى )
شاعرة
الأحد، 28 أغسطس 2016
جرح الحبيب***( أبو يوسف صبرى )
الاشتراك في:
تعليقات الرسالة (Atom)
ليست هناك تعليقات:
إرسال تعليق