فلاح قديم ....عاطف عمر

من قصيدة ( فلاح قديم )
الشاعر عاطف عمر

** فلاح ...
** فلاح وبموت دايما فى الطين
** بزرع ارضي اشجار ....زيتون
** وكمان بزرع أشجار .....التين
** ممكن أغني فى كل الأوقات. وأسمع لـ فريد وساعات لـ شرين.
** فلاح وبموت دايما فى الطين.

** الفأس على كتفي وبتمختر وبسوى حاجات على بالي تخطر
واروى الأشجار علشان .....تزهر
ورد وياسمين.

** دايما ساكت ..
وبحاول افكر وانا ساكت..
الناس بتبيع الارض عشان حبة ملايين .
حافظ أجدادنا على البساتين .
وفاتوها لـ مين.

** لو تعرف تسمع ضربة فأس .
او تعرف لون زهرة...... أناناس .
كنت هـ تتشرف بين.......الناس .
انك انسان .
وتصلى وتسجد للرحمن.
لو متر الأرض هـ يوصل كام .انا مش راح ابيع لو خدت عيونى . لو راح تقطع فيه الشريان.

** راح أموت .
** حالف راح اموت سمعتى طيبه . واسيب ذكري وازود على الفدان فدان.
بس مفيش حد يهين ابني . ويقوله ابوك فلاح غلبان. أنا مش غلبان.
ولا كنت جبان..كنت بحافظ على أرضي من مكر الثعلب والثعبان.
    من مكر الثعلب والثعبان