- من رافق اهل الخير يمشي على الخير
- ومن رافق النذال يبشر بالفلاس
- الصحبه الزينه تدلك على السير
- وعلى المور الي بها ترفع الراس
- والصحبه العفنه لها حيل تاثير
- ياما من الصحبه تدمر من اجناس
- واحرص على نفسك تجامل ولا ادير
- ترى المجامل بالجهل ضيع الناس
- واحرص على دينك ولا تنظر الغير
- ماحدن يفيدك عند طلعات النفاس
- وصل الصلاه بوقتها دون تاخير
- حتى لو ان الي حواليك جلاس
- ماحدن يفيدك عند يوم التباشير
- الا عملك الي بنيته على ساس
- والعمر وده صبر مع زين تدبير
- ومن تجربت غيرك تعلم لك ادراس
- ودك تصير بوسط خلق الله امير
- اوزن كلامك قبل تحكي بمقياس
- ولا تعاتب عاقل بغلطت اصغير
- بعض البشر طبعه مع الناس حساس
- هذا كلام الصح من دون تزوير
- قلته ونا صادق ولاني بلاس
- شاعر وفعلي مايبي اي تبرير
- من رؤس قومن فازت بكل نوماس
- (محمد سالم الاحيوات)
- (ابوامل)
شاعرة
السبت، 20 مايو 2017
اهل الخير للشاعر المبدع (محمد سالم الاحيوات) (ابوامل)
الاشتراك في:
تعليقات الرسالة (Atom)
ليست هناك تعليقات:
إرسال تعليق