حبيبتي***بقلم صبري على

** حبيبتي

حبيبتى مشربية..من بين عينيها باشوف..!!
بافهم فيها المعانى، والضم بيها الحروف ..!!
والحرف يبقى كلمة، والكلمة خيال يطوف..!!
واغزلها ميت قصيدة، بدون مااشعر بخوف...
وباسافر ويا طيفها،
أحيانا ً بين كفوفها،
ولما باعوزاشوفها،
أنابتحدى الظروف..
*****
حبيبتى مشربية..مشغولة بالصدف ..!!
طيفها يشاغل خيالى، أقول ماحلى الصدف..
شايلها ف ميت خزينة، كما تحفة من الخزف.
روحى تصبح رهينة، لو غدر ف يوم حدف..
وباسافر ويا طيفها،
أحياناً بين كفوفها ،
ولما العين تشوفها،
القلب بينخطف .
*****
حبيبتى علمتنى، الشعر والفنون ..
وكمان عرفت مبدأ، أكون أو لا أكون.
كان عندى حق دايما ،إنى اعشقها بجنون.
واحفظ دايما عهودها، فى القلب وف العيون.
وباسافر ويا طيفها،
أحيانا بين كفوفها،
ولو مش سهل اشوفها،
الصعب كمان يهون.!
*****
حبيبتى علمتنى ...، الحب والغزل..
آخد م الأرض خيرها،و م النحل،العسل..
واعرق علشان عيونها واكره فيها الكسل.
باحكى للدنيا عنها ،واضرب بيها المثل..
وباسافر ويا طيفها،
أحيانا بين كفوفها،
ولما ارجع و اشوفها،
باحكيلها إيه حصل..

لأنها حبيبتى.....

صبري على