مجلة حديث الهيل الأدبية: * {{{ تمتم بكلمة }}} ***"":::الشاعر المبدع اليان سمعان ابو طوني

الأربعاء، 31 أغسطس 2016

............................................................................................
:::""*** {{{ تمتم بكلمة }}} ***"":::
"""""""""""""""""""""""""""""""""
مارق عليي هالقمر خجلان
**--** مارضي يوقف لااسمع اخبارو
وجهو معكر بالعرق غرقان
**--** تمتم بكلمة هيك ماجمع فكارو
غلطان ومعربش على الحيطان
**--** عابيت هالحلوة لايعرف اسرارو
قصر الحلا بيتا للشاعر الهيمان
**--** بالفل والياسمين معلية اسوارو
طلت عليه بجفنها النعسان
**--** متل الفجر شعت باول نهارو
وقع عن سورها بلاوعي غميان
**--** علق قميصو وتقطعو زرارو
مرق الفجر بالو القمر سكران
**--** حملو على غيمة تايوصلو لدارو
صار يشرحلو وعن عملتو ندمان
**--** وسالو الحلا انتو كيف بتدارو
قالو الفجر يظهر مابتعرف النسوان
**--** قبلك قمار كتير بسرن احتارو
ياصاحبي شو نصحتك من زمان
**--** ال بيقرب عليها بتحرقو نارو
*****-----*****-----*****-----*****
مسا الحلا والجمال
مسا الغزل
اصدقائي

شاعرة