ياصاحبي...الشاعر محمد عواد البشكمي

لو لا   قلوب  الناس  مني.......تعبّه
ماهمني ياصاحبي غيرك ....آنسان

#ياصاحبي صديت  من  دون سبّه  
ولا به من  اسباب الزعل اي برهان

ترى  الصداقه  كنز  بين.....  الاحبّه
اليا غدت من دون تجميل....والوان

يوم  العتب  واللوم  روح... المحبّه
واللي غلط بيقول انا اليوم  غلطان 

اللي على الاخلاق من هو.....  تربّه 
ماظنتي منه يجي اي......... نقصان

كبوة جواد وجات من عند.... ..ربّه
والحر ابد مو دايم ايديه.... ميزان

ياصاحبي.  اللي  بعقلك.....لعب بّه
لعبه وجت من فكر صاحي وفنان

اعقول بعض الناس تحتاج... ربّه 
صدت على كثر البلا وقلبها...شان 

واللي خذا يوسف على جوف جبّه 
قلبي عليك اليوم ما هو... بمليان

ومن  سبّنا  ياصاحبي....  مانسبّه
لو ننحصر في ذمة  الناس بهتان

كانك معي يا مرحبا بك....... ولبّه
الصدر لك مفتوح في كل الاحيان

ماصد عنك يارفيق ن......... نحبّه
ولاهز لك من تالي الوصل فنجان

يكفي تمايل بالهوى بكل....... هبّه
ما بيننا عشره تقدر......... بالاثمان

الحر  مايتفل بصحن ن .....شر بّه
من شان كلمه  قالها  فلان  وفلان

يكفي  ولا تزوّد على النار......شبّه
يومك تصدق بالفتن شبه  شيطان

نصيحتي لك.........تالي الدلو كبّه
لنّي كفيت  الدلو  من كان  مليان

  #محمد_عواد_البشكمي