بطاقة تعريف ☆☆☆بقلم محمد المزين

(بطاقة تعريف )

الاسم الأول 
انا مصري 
الاسم الآخر 
إنسان 
في الحيطة بأشوف 
بيتي وقصري 
ما أنا سمكة
بتخدم في حيتان
المهنة باعافر 
واتبهدل 
والسن كبير 
عمري زمان 
الوضع المالي
ومتقندل 
الجيب بقي 
خالي وتعبان 
انا عازب 
رغم ان مراتي 
ويايا 
وعيالي كمان 
انا عايش 
باحمل في حماتي 
باداويها 
بحبة حرمان 
انا باضحك 
رغم احتياجاتي 
انا بازعل
ان أنا غلبان 
انا باكسب 
من تعبي يوماتي 
انا بارجع 
للبيت تعبان 
لولادي 
احكيلهم حكاياتي 
باتهرب 
من ابن جعان
ويناموا 
وانام ويا آهاتي 
وبافكر 
فيها ايه لو كان 
الباشا 
يكون زي حالاتي 
ويجرب 
عيشة الغلبان 
الفرق كبير
بيني وبينه 
مع ان انا 
مصري وانسان 

• #ميزووووووو