- (حلم وممنوع )
- وحلمنا وكبرنا
- واتغير الموضوع
- واقفين على حيلنا
- نمحى الشبع بالجوع
- والصوت صبح واطى
- يا أم البدور طاطى
- حلمك خلاص ممنوع
- يا أم القليب موجوع
- الأرض مش جنة
- والنقشة مش حنة
- والغرب مش منا
- ونجاحنا مش مجموع
- والفرحة مش هيصة
- ودموعنا دى حبيسة
- يا سنينا يا كبيسة
- ليه العلم مرفوع ؟
- صوت الجرس مسموع
- بيدق فى كنيسة
- باين ده يوم الفصل
- صوت الجرس فى الفصل
- واولاد على الدكة
- هتفوا باسمها مصر
- رسموا فى كتابهم ........ قصر
- وقالوا أحلامنا
- هنشوفها قدامنا
- وصحيوا فى صلاة العصر
- لقيوا الحياة هى
- شهادة ومرمية
- والشيشة ع القهوة
- واللى اشتغل بالحصر
- اللى معاه واسطة
- فقعدوا على البسطة
- وهتفوا باسمها مصر
- #محمود_المزين
شاعرة
الثلاثاء، 31 يناير 2017
(حلم وممنوع )#محمود_المزين
الاشتراك في:
تعليقات الرسالة (Atom)
ليست هناك تعليقات:
إرسال تعليق