- أنا لَمْرا المغربية
- ------------------
- أنا مْرا مغربية
- و كَادة بَكْدُودِي
- وْرَثت النّخوة
- مَن بُويا و جْدودي
- --
- صحراوية بالْمَلحف
- و الْحنة في يْدُيّا
- نَفْتاخر باني مْرا مَغربية
- نْغَوّث و نْكُول لَلْعالم
- كُون من شْهودي
- --
- شمالية بنت الكرم و الجود
- ما نرضى بْ ذَل
- ما نرضى بَ غْبينة
- و اللي قاسْ بلادي
- نْثُور عْليه
- بَ شْتايَا وَ رْعُودي
- --
- شَلْحة و النّقرة فْ عُنقي
- و لَوْشام بِين عيْنِيا
- حْزامي حْرير وْ مُوزُون
- و فُوق راسِي سَبْنِيّة
- و اللّي مَسْ بْلَادي
- نْهز الْمُكحلة بَ زْنُودِي
- --
- آنا الَمْرا الْمَغربية
- بنت الْهَمة وَ الشّان
- عَزّي مَنْ عَزْ بْاَدي
- و فِين ما كانتْ الَمْزية نْبَان
- و مَا نْدِير الّلي تْكَحّل خْدُودي
- -----------
- فاطمة المسعودي
شاعرة
الخميس، 12 أكتوبر 2017
مجلة حديث الهيل الادبية ***أنا لَمْرا المغربية -----بقلم الشاعرة فاطمة المسعودي
الاشتراك في:
تعليقات الرسالة (Atom)
ليست هناك تعليقات:
إرسال تعليق