- قصيدة زجلية بعنوان " ديتو...يا كيتو " من ديوان تحت الطبع بعنوان " شحال و شحال من الحال
- لزكروم عايد محموم
- الحال المعڭور صداه
- على باب الوقت تقرق
- لكلام راه صبح مضيوم
- الزمان المعصور مضاه
- على شنافة ليام طرطق
- على الشبيك المكلوم
- رتيلة كحلة نسجاه
- داك لبرندڭ لمصرفق
- ب البوليتيك المغيوم
- ؤ ب نواياه صفحاه
- غرضها تمص و تسرق
- *** **** **** *****
- نظرة شويفة ب شي تمحييك
- يا بن عدي على عينيك
- ؤ داك هداك مول الدار
- هو و ديك الحسكة خوت
- حاجبين الڭسدة ورا ستار
- حالفين ما يفوتهم فوت
- ناصبين عينين قناصة
- و للي زوغ و دفڭ
- ديتو يا كيتو رصاصة
- و يا تمحاني يا نا زلڭ
- ******************
- ربيعة بومهراز
شاعرة
السبت، 14 أكتوبر 2017
مجلة حديث الهيل الادبية /// ديتو...يا كيتو --*-*-* بقلم ربيعة بومهراز
الاشتراك في:
تعليقات الرسالة (Atom)
ليست هناك تعليقات:
إرسال تعليق