- ف غفلة مني
- تهت انا
- وتاهت احلامي
- وبقيت نفافي
- وسط الفيافي
- نقلب عليا
- حدايا وورايا
- مالقيتني غير خيال
- غادي رحال
- نجري ورايا
- والشمس معايا
- ونا ...
- ونا خايف م الظلمة
- تلبسني غمة
- نتساطح مع حيط
- نعثر ف خيط
- والناس مايجيبو خباري
- وخوفي م الظلمة
- ايلا طالت
- والشمس ايلا غابت
- ساعتْها
- ماتبقی لي بصمة
- ولاحروف
- ساعتها
- نشوفني غير انا
- نواسيني
- ونمسحني دمعة دمعة
- م عيوني
- نحكيني قصيدة
- ف زمان تايه
- نحكيني حجاية
- للي غبر ومابان
- نكول فيها
- لله...لله
- شوفو من حال
- ذايك التايه
- شدوا الشمس
- ب وْتاد وحبال
- لا تغطيوها ب غربال
- ولاتخليوا الظلمة
- زيد م الحال مُحال
- نجاة احسايني س/ا/غ 14/11/2017
شاعرة
الخميس، 16 نوفمبر 2017
ف غفلة مني*********نجاة احسايني س/ا/غ 14/11/2017
الاشتراك في:
تعليقات الرسالة (Atom)
ليست هناك تعليقات:
إرسال تعليق