- قصيدة ( خلوا بالكم )
- بقلم/ ( شرين سعد أحمد)
- شاعرة جنوب الوادي
- #شرين_سعد_أحمد
- *************
- خلوا بالكم يا جماعة
- ده دراعي خط احمر
- كل لحظة كل ساعة
- لو نسيتوا الله لا قدر
- أو غفلتوا عني مرة
- الخطر راح يبقي أكبر
- ،،،،،،،،،،،،،،،،،،،،
- حالتي حالة مش عادية
- لازم أظهر وسط مية
- لو دراعي اتشك شكة
- ممكن ابقى قوام ضحية
- ،،،،،،،،،،،،،،،،،،،،،
- قلت إيه الحل لازم
- قلبي قام بالنية عازم
- أنه يعلن بالمبادرة
- لو تأخر يبقي نادم
- ،،،،،،،،،،،،،،،،،،،،،،،،
- مش علامة دي يمامة
- فوق دراعي جات وحطت
- هي هتقوم القيامة
- ولا هتقوم القيامة
- يوم ما احمي نفسي عادي
- واحمي غيري بابتسامة
- ،،،،،،،،،،،،،،،،،،،،،،،،
- أبتسم أول ما أشوفها
- والأمل لون حروفها
- حفر ظاهر جوه قلبي
- مهما تتغير ظروفها
- ،،،،،،،،،،،،،،،،،،،،
- مرة أشوفها في أيدي زينة
- زي وردة في جنينة
- مرة أشوفها دم يجري
- وف عروقنا عايشة فينا
- ،،،،،،،،،،،،،،،،،،،،
- مرة أشوفها صوت ولادي
- أما يرفضوا يوم بعادي
- محتاجين يامه دعاكي
- صوت حنين همس هادي
- ،،،،،،،،،،،،،،،
- مرة أشوفها الصبر ساكن
- جوه قلبي والأماكن
- مين يقول إني هسلّم
- بالعزيمة هقوم ولكن
- ،،،،،،،،،،،،،،،،،،،،،،
- كل واحدة منكوا تفرح
- وفي حياتها تقوم وتنجح
- كسري لليأس بابه
- أصل يأسه ده بيجرح
- ،،،،،،،،،،،،،،،،،،،،،،
- حبة حبة اديني صامدة
- شادة عودي كمان وساندة
- مافي شيء هيهز قلبي
- للمرض أصلي معاندة
- ،،،،،،،،،،،،،،،،
- وف دراعي لابسة درعي
- زي شمس ف وسط زرعي
- روحي نبتت من جديد
- حتى جذري مد فرعي
- إهداء إلى صاحبة مبادرة
- دراعي خط احمر
- دكتورة -/( مها نور )
- 27/5/2018
شاعرة
الثلاثاء، 29 مايو 2018
( خلوا بالكم ) بقلم/ ( شرين سعد أحمد) شاعرة جنوب الوادي
الاشتراك في:
تعليقات الرسالة (Atom)
ليست هناك تعليقات:
إرسال تعليق