قلوبٌ عامره
- جناين ورد مزروعه
- طارحه فل وياسمين
- قلوب من الحب موجوعه
- ويلوموا على العاشقين
- قلوب من العشق خاليه
- ويسهروا ويا السهرانين
- ديما على الحب لايمه
- وبالفرحه مش حاسين
- بالراحه يا أهل الملامه
- أهل العشق غلبانيين
- حنوا وعليهم أرفقوا
- ولا انتوا مش دريانين
- دالعشق ليهم علامه
- وبالود والحب عايشين
- جناين ورد مزروعه
- زَهَر وملأ البساتين
- يا قلوب بالحب عامره
- سيبكم من اللايمييين
- دالعيشه من غير الحب
- عادمه
- سيفونيتة ليها عازفين
- تتعزف تملى بالفرحه
- وممكن بلحن حزين
- العاشق لو فرح مره
- يحزن عليها سنين
- اللي في الحب هاموا
- وصفوهم بالمجانييين
- يا عاشق عيشها ببساطه
- وسيبك من المتكبريين
- الحب مش عايزله وساطه
- ولا حتي أنت إبن مين
- وما تقولش الحب ليه شبابه
- عمره ما بيتقاس بالسنين
- جناين ورد وزروعها
- طرحت حب وورد
- وفل وياسميييين
- ناس وعايشه مجروحه
- وخايفه من لوم الايمين
- كلمات أندرو فرج
- عاشق نيلها
- 15/9/2017
شاعرة
الجمعة، 15 سبتمبر 2017
قلوب عامرة ..للشاعر المبدع المتالق/ اندرو فرج
الاشتراك في:
تعليقات الرسالة (Atom)
hadiselhil.blogspot.com/2017/09/blog-post_823.html?m=1
ردحذف