- أرجلت ...
- ...............
- شدَّت ع الشيشة بكيف
- و اخذت سحبات
- و غِيرة عم تاكل قلبي
- بجرءة بربيش
- اتجلي و شدي و تسلي
- زيدي الأنفاس
- معثّـر يا قلبي و صاير
- قَيد التهميش
- بتجاكر لما تعاقر شيشة بتفاح
- بتتحالى و تشوف حالا
- ع هالدرويش
- شو أعمل لما بتهمل قلبي و بتبوس
- شفاف الشيشة
- و تحرقني بنظرة حركيش
- مين القادر يمنعها عن متعتها
- و قانون الحلوة بيمنع
- كبسة و تفتيش
- لما قلت لها بكفّي
- حرَّقتي الراس
- قالت - ما خصك
- حقي
- و أنت ما تفتيش
- بدَّك -
- تع خذ أركيلة و نفس نجواك
- و ورجيني القوة
- و أوعك فيها التغشيش
- هيدا القول المعقول الـ كلّه تنفيس
- نأركل و نشم أنفاس
- و صحبتنا تعيش
- لما الصحبة بأنفاس و حُرقة و تهليس
- الأركيلة صارت شُفعة
- قولي - لوووووليش
- ناخذ صورة لأمورة بإيدا النبريش
- و بتأرجل - آخر موضة - متلا ما فيش
- بدي الصورة
- الأمورة ما ني بـ دورها
- خايف تتعلق فيي
- و لطّش تلطيش
- ختيـار و ضيّق خُلق و حَنّ لأيام
- الماضي
- و غير الحنـيّة بإيده
- ما فيش ......
- -- خضر الفقهاء --
شاعرة
الأربعاء، 8 مارس 2017
أرجلت *** بقلم خضر الفقهاء
الاشتراك في:
تعليقات الرسالة (Atom)
ليست هناك تعليقات:
إرسال تعليق