- جاسوس
- ----------
- بفزع يحسوا البشر لو جيت نا ديكي
- اعطيني شي حِجه لحتى طل حاكيكي
- قالت الريح ال مرق كسّر بواب الدار
- وانت المداوي تعا صلّح شبابيكي
- جاوبت تا صلحُن مفروض يبقى نهار
- والوقت بعدو عتم ضامم روابيكي
- والقمر مثل الجاسوس بيفضح الاسرار
- وبخاف منو اذا ما قدرت خبيكي
- قالت شو بعمل اذا طولت بالمشوار
- جاوبت لا تفزعي مْأكد بلاقيكي
- قالت ما تنطر بعد عم بنطرك ع نار
- ويانار حان الوقت طل ال بيطفيكي
- هيك ال بيحبوا ضروري يخلقوا الاعذار
- ويا روح غير ال بِحبك ما بيداويكي
- بتذبل غصون العمر وبيسكتوا الاطيار
- والا لقاء الاحبا ما بيشفيكي
- --------------------------------
- بقلمي راضي مشيلح
شاعرة
الأربعاء، 8 مارس 2017
جاسوس *** بقلم الشاعر الاديب راضي مشيلح
الاشتراك في:
تعليقات الرسالة (Atom)
ليست هناك تعليقات:
إرسال تعليق