هقضي اللي باقي من العمر ليك
وأقدم وروده هدية في ايديك
وهنسي جراحي اللي كانت زمان
وهبقى وفيَّة ..ياحبي لعينيك
ماهو أنت ابتسامتي اللي طله في عينيا
ومن غير وجودك حياتي عذاب
وأنت السعادة لسنيني اللي جاية
ومن غير ودادك هتصبح سراب
عشانك ياعمري أضحي بعمري
واحطك ياروحي في نن عيوني
واخلي جفوني تضلل عليك
واكرس حياتي عشان أراضيك
وأفضل أحبك واداري عليك
وتسهر عيوني تناجي عينيك
وتسأل قمري ونجومي عليك
ماهو أنت وحشني..
وتملي ظالمني . .ودايما فاكرني
بهجرك وصدك
ومشتاقة دايما
لصوتك... لهمسك
لشكلك.... لرسمك
لغضبك وحلمك
لطلة عيونك تقولي.. بحبك
******************
بقلمي أمل صلاح
ليست هناك تعليقات:
إرسال تعليق