كذبت عليك// بقلمى الشاعر/عزالدين جبريل

كدبت عليك ياقلبى وقلت لك
انى عمرى  مش هحب
لا انا ولا انتا نقدر يوم نطب
وقلتى لى ساعتها
احنا مالنا ومال الحب
ومالنا ومال الحبيب
ولا عاوزك تحن له او يحن لك
كتير خدعتك وقلت لك
اننا نقدر نعيش لو فيه حب
او حتى مفيش
اكتشفت بس النهارده
انك انت اللى على كدبت
عشقتها ياقلبى وفيها دبت
وبعد ايام العطش ارتويت
ومن الحب شربت
هى مين وحبيتها ليه
مش كان مابينا وعد ولا ايه
اياك تقولى انها نور حياتك
ياما قبلها نورو لك وضحكو
عليك وكمان اجمل كلام قالو لك
ياقلبى دول ياما خانوك
ومن غير تمن كمان باعوك
وكنت فاكر انك بتزرع ورود
وبعدين حصدت شوك
مالنا ومال الحب ياقلبى
وليه بتحب وعلى تخبى
انا اللى جروحك طببتها لك
كل ده بعته اما جات قبالك
فتحت بابك لها اتخدعت فيها
خليها تجرحك زى اللى قبليها
معقول رجعت تانى تحن
وهتعيش شوق وضنى
ياريتك ما كنت قلبى انا
ولا بين ضلوعى  سكنت
بقلمى
الشاعر/عزالدين جبريل