عدنا تلاقينا وحَنِّت إِيامنا يا رفيقْ
نِتذَكَر أَوقات كان فيها الوقت الدقيقْ
وتزاحَمِت أَيام ع بواب الريح زهقاني
وإِيد إِنمدت عَ كتفي وقالت قوم فيقْ
ودقّ الزمان ع وقت كِنا فيه رفاق
وتشَلَعِت الايام وتفرق كل من بطريقْ
وفلفَشت أَوراقَك يا رفيقي بحنان
ووصلت اللي إِنقطع من جديد بالعتيق
شو فرحت لِمْ ذَكرتني بأيام الشباب
وشو فرحت لما عِدت يا أَغلى صديق
دروبنا عربَشِت ع سكون هالنسيان
وعاد الوفا لدروبنا بنسمتو الرقيق
سليم عيسى...
ليست هناك تعليقات:
إرسال تعليق