البنت دايمآبدور على الأمان☆☆☆بقلم حبيبة رضوان

البنت ديما بدور على الامان 

لو فعلا حبيتها بزمّه ..

حسسها انها حاجه مهمه

و إديها فـ نص اليوم صوتك ..

و إرميلها فـ آخر اليوم " حضنك "

و شاركها حياه ..

خليها تحس انك فعلا ..

النص اللى بتكمل وياه

خليها تعيش لحظات تافهه

كلنا أطفال من جوّانا ..

الفكره انها وقت ما تزعل

انك متسيبهاش زعلانه

هتقول مالك ؟! .. هترد مفيش

مع انها فيها و مش بتقول ..

الفكره انها عايزاك تدخل

من باب قلبها لو كان مقفول

تقلانه عليك ؟! .. عادى يا سيدى

إتحمل و حايلها و كبّر ..

مهى جايز فعلا متضايقه

من حاجه و مش عارفه تعبّر

الصمت ساعات بيدارى كلام

هى متعرفش إزاى يتقال ..

و البنت تحب اللى يهاود

ويدادى و يبقى طويل البال

البنت فى الاول بتدور .

على حد يكون نص حياتها

بتدور على " أب " يساند

مش قاصده انها تلغى وجودك

أو تفرض رأيها و تعاند ..

لكن بطبيعة الحال بتخاف ..

تحبسها و تقتل أفكارها

بتحبك جدا آه لكن ..

بتخاف مـ الحب ليكسرها

لو فعلا حبيتها حقيقى ..

علمها بجد انها متخافش

متقفش على الواحده و حاول

تسمع من غير عصبيه و قفش

و إفتكر ان البنت شريكتك

مش لعبة حب بتلعبها

البنت بتحتاج تتطمّن ..

طمنها بجد هتكسبها