لبّيه يا بو مبسمن ذوق لبّيه***الشاعر المبدع ابراهيم ابو رويس
- لبّيه يا بو مبسمن ذوق لبّيه
- ولبّى العيون اللي تصوب هدفهن
- من نظرتك وردتني مورد التيه
- لا سلهمن لي ثم تراخى طرفهن
- يدمي سهمها القلب لامن نشب فيه
- واللي خبر قبلي سواته عرفهن
- ارسن على كبدي مطارق تكويه
- يحرق لظاهن يا علي قوم شفهن
- لو هو توقى اسهامهن ما يوقيه
- ولو هو يغض بناظره ما حرفهن
- جفنه مواني والهوى في موانيه
- واللي رسا ميناه ذاب بشغفهن
- والرمش من زود الدلع من يدانيه
- والكحل طاغي بالهدب من ترفهن
- ترسل غلاها سيل جا من عواليه
- حدّر على نبض الشعور وجرفهن
- ابراهيم أبورويس
ليست هناك تعليقات:
إرسال تعليق