(راجل عاشق )بقلم ميزو

(راجل عاشق )
أنا عاشق الضحكة اللى فى خدك 
علشان مرسومة جوه عينيكى 
أنا قلبى إتشكل على أدك 
لاجل أما يضمك يحميكى 
أنا عاشقك وبسرى هبوح 
قدامك كتالوج مفتوح 
اختارى اللى يدوب يرضيكى 
أنا عاشقك وبكل ما فيكى 
بالضحكة اللى تنور وشك 
والقمصة اللى بقت داء فيكى 
والغيرة اللى تمللى تغشك 
وبصورتى كمان جوه عينيكى 
أنا حالف مش هكون غير ليكى 
أنا قلبى إتربى على إيديكى 
أنا كاره الدنيا أما بأشوفها 
ظلماكى أو جاية عليكى 
وبحب ألاعب فى كسوفها 
لو أشوفها بتفرح فيكى 
أنا ليكى ومش هكون غير ليكى 
أنا عاشق سارح فى النظرة 
أنا طفل بيمسك فى ايديكى 
أنا عاشق صورتى أما بأشوفها 
مرسومة بإعجاب فى عينيكى 
مكسوفة وبتدراى فى كسوفها 
خجلانة وحيائها ماليكى 
م الآخر أنا راجل عاشق 
وقراره العشق يكون ليكى
#ميزووووووووووووو