- دموع الياسمين
- مهما زمانك جار و عليكي بكي
- تبقي الارض والدار عطشى تشتكي
- بتبقي يا راية مجد مرفوعة علم
- حصرم بعين الغرب حامضها اتركي
- اغتالوا الاهل و الجار و الدار انقسم
- دفعنا ضحايا طفال ضمن المملكة
- نكسفت نوار الشمس و الضي انعتم
- ليل الألم قهّار سكناتو حكي
- الياسمين عطرو شحّ بالدخنة انعدم
- انكسرت ضلوع الورد يبس الليلكي
- الصوت بصباكي انبح شهقاتو ألم
- بدمع البكي امّات حضنك تلتكي
- راجع سلام الحب قدّام الامم
- يفرض ضريبة دم يدفعها لكي
- ولكل غاصب مرّ رح يدفع ندم
- عمرو قهر و عذاب روحو مهلكة
- يللي حضنتي الكون بعلوم و حكم
- عطيتي الحرف والنور هالامر ادركي
- هيدا سلاح اليوم بالفكر النجيب
- هلّوا معي يا ناس بالطاغي اسفكي
- رامز عيد 27/09/2016
شاعرة
الثلاثاء، 27 سبتمبر 2016
دموع الياسمين*****الشاعر رامز عيد
الاشتراك في:
تعليقات الرسالة (Atom)
عاطر التحايا و وافر التقدير و فائق الاحترام لمجلة حديث الهيل الادبية على نشر شعري المتواضع بين طيات غلالها و اخص بالشكر و الامتنان الاستاذ العريق ناصر ناصر
ردحذف