- بدايه بلا نهايه--كل عام والجميع بالف خير
- ----------------------------------------
- شوفوا سنين العمر كيف رايحه وجايه
- انشالله علينا السنه بتيجي محلايه
- وغايه جميله اذا خلقت مع الانسان
- دخلك يارب السما حقق الو الغايه
- والحب لو ينوجد منعيش كيف ما كان
- منرضا عَ شكل الطفل حتى بِ لهايه
- والحقد نار ومرض بييبس البستان
- بيمحي سطور الامل من دون محايه
- والعام عم ينقضي برفة جفن نعسان
- بيغرق ببحر الفنا وبيرفع الرايه
- وبيظل عايش حلم عَ مراية الوجدان
- ونرجع نشوف الحلم عَ ذات المرايه
- وحتى يظل العمر اخضر مثل نيسان
- صيحوا بوجه الجفا يا اخوتي كفايه
- وكونوا عَ شكل السنه وبقدرة الرحمان
- هيك منبقا سوا بدايه بلا نهايه
- --------------------------------
- بقلمي راضي مشيلح
شاعرة
الخميس، 29 ديسمبر 2016
بدايه بلا نهايه *** بقلم راضي مشيلح
الاشتراك في:
تعليقات الرسالة (Atom)
ليست هناك تعليقات:
إرسال تعليق