- أنا المصري
- أنا المصري
- وكان اسمي بيتردد بكل لسان
- وبتباهي قصاد الناس
- بأمجاد فات عليها زمان
- واقول للناس
- بلادي ام كل الكون
- وانا عارف كلامي جنان
- انا المصري
- وعاش جدي بيحلم بكره تتعدل
- ودا والدي اللي شاف الحلم
- بيتقيد ويتكبل
- تمر سنين وراها سنين
- ولا بتوزن ولا بتعدل
- يموت واحد
- يسلم روحنا للتاني
- ونتعشم
- نلاقي العيشه تتبدل
- اتاري الوهم لعبتهم وصنعتهم
- بيتباع لينا متذوق ومتجدل
- انا المصري
- اللي عنده الخير
- تلال وتلال
- مياه عذبه
- بحار مالحه
- حديد فسفور
- وغاز بترول
- آثال وقنال
- ورغم دا كله ف الاخر
- تلاقيني واخد سلفه
- من البقال
- وكل ما حاول اعدلها
- بلاقيها بتمشي شمال
- انا المصري
- اللي داق المر والحرمان
- بقيت عايش ومش عايش
- وعمري يحدده السجان
- انا المصري
- اللي عاش خايف
- ومات م الخوف
- وبداري في قلب حيطان
- انا المصري
- وكان اسمي يهز الكون
- لقيت اسمي بقي مسخه
- لكل لسان
- احمد ابراهيم
شاعرة
الأربعاء، 28 ديسمبر 2016
انا المصري *** بقلم احمد ابراهيم
الاشتراك في:
تعليقات الرسالة (Atom)
ليست هناك تعليقات:
إرسال تعليق