- اْه بحبك
- احمد صبري
- -
- هو انا لازم اغشك
- ويمنحوني لقب بحبك
- او اكون بره النظام
- مهما اعبر بالكلام
- الامان زي السلام
- والحكاية حبيبتي إنك
- -
- الغريب فتحاله بابك
- بس إبنك تطرديه
- تكسري زهرة شبابك
- لما نبضك تسجنيه
- اب يصرخ من عذابك
- ام تبكي نار عليه
- ابن حي لكن ترابك
- قال دا لازم تدفنيه
- -
- يبقى فين الامن لما
- السلام رافض يسلم
- الظلام مش بس ضلمة
- والضحية تمام يا افندم
- تحت طوعك رهن شما
- مهما ضرباتك تعلم
- محرومين الحالة عامة
- علموني ابطل احلم
- -
- مش حقولك إني اْسف
- وانتي قلبك بين ضلعوي
- اْه بحبك بس خايف
- تغرقي من فيض دموعي
- يمكن ابعد بس عارف
- اني هتمنى رجوعي
- بس هصبر طول مشايف
- ضوء صغير من شموعي
شاعرة
الخميس، 29 ديسمبر 2016
اه بحبك *** بقلم احمد صبري
الاشتراك في:
تعليقات الرسالة (Atom)
ليست هناك تعليقات:
إرسال تعليق