ما هي دي مصر *** بقلم مجدي احمد محمد

• ماهي هيه دي مصر 
• اللي عشانها نجوع 
• ولو نموت م الجوع 
• نموت ونحبها 
•  نموت ونحبها
• لو مش حتلاقي لقمه
• حناكل من ترابها 
• ونحلي برملها
• وان كانش لينا بيت
• نداري جنب حيط
• نتغطي بشعرها 
•  ماهي هيه دي مصر
• بترحب بالغريب
• وتحطه ف حضنها 
• وحبه حبه يبقي
• واحد من اهلها 
• قبل مايوصل بلاده 
• وقبل ما بيشوف ولاده 
• بيكون حدد معاده 
• علشان يرجعلها 
• ماهي هيه دي مصر 
• في الشتا لو يمشي ضيف
• قبل ماييجي الصيف
• بيكون اشتاقلها
• بترد كل ظالم 
• و ترجع المظالم 
• للشعب اللي اتظلم 
• وتحنن اللي هاجر 
• لما يشوف ع التذاكر 
• صورة النيل والهرم 
• يارب مهما سافرنا 
• في يوم وللا هاجرنا 
• يارب تحسن ختامنا 
• ونموت علي ارضها
• ونموت علي ارضها
• بقلمي \ شاعر العشاق 
• مجدي احمد محمد 
• اسكندريه في  29/12/2016
•