- (دم العرب )
- دم العرب يا رخيص
- ليه كله نازل سلب
- صهيوني واطي خسيس
- نازل في جسمي صلب
- ليه اسمي في الكراريس
- مكتوب كانه كلب
- دم العرب يا رخيص
- ليه كله نازل حلب
- مكتوب علينا الموت
- قبل ما يوعي القلب
- الصرخة فينا سكوت
- والعيشة مر وغلب
- لو مرة يطلع صوت
- صوت الشهيد في الحرب
- صوت النواح والموت
- علي ابن عربي صلب
- مكتوب علينا الموت
- رغم اختلاف الدرب
- قطر الشباب بيفوت
- شايفه هناك عن قرب
- كل الشباب بيموت
- وكل اللي باقي كلب
- كل اللي باقي مناصب
- خادها ولاد الكلب
- سابوا الشباب بيموت
- نسيوا المرار والحرب
- قسموا الغنيمة سكوت
- مات الضمير والقلب
- اسمعني يا هلفوت
- انا جسمي كله صلب
- عمري ما اخاف الموت
- او العذاب والصلب
- والفرق بيني وبينك
- ان اللي عندي قلب
- في المعركة فينك
- عايش تمللي كلب
- دم العرب يا رخيص
- يهون العذاب والصلب
- عايش ولا المحابيس
- كاتم آهات في القلب
- بس اما يجي اليوم
- ويموت في قلبي النبض
- اوعوا تقولوا اهو مات
- واوعوا تقولوا كلب
- #محمود_المزين
شاعرة
الأحد، 26 فبراير 2017
دم العرب *** بقلم محمود المزين
الاشتراك في:
تعليقات الرسالة (Atom)
ليست هناك تعليقات:
إرسال تعليق