- يا خويا اسمع من الدنيا نوصيك
- كتبت فيها ابيات و دموعي جراية
- من لي عرفت حالها بالغل تمليك
- و تخلي حالك للناس حكاية
- اسمع يا غافل لا حاجة تلهيك
- كل نهار تعيش راه فيه قراية
- اليوم مات فلان غدوة الدالة ليك
- لا تامن تعيش في دنيا فناية
- تتانس بالمال و صحتك تغويك
- تتوسد لحلام و تنسى. العبادة
- تتهنى بالنوم لا حد يوعيك
- تفطن تلقى يوم عينك بكاية
- ملي تكون صحيح لا تفعل الخير
- في زف الدنيا نفسك شغالة
- اليوم راك شريت غدوة راح تبيع
- اخدم حتى قليل ليوم القيامة
- هولو. راه كبير يا ذاك المسكين
- يا ويحوا لي غفل و نسى الكواية
- و يا سعد الانسان بلقيت مولاه
- اذا كان خدم قبرو جنة و ضواية
- من بعد يوم الحشر راه ينال كثير
- جنات العدن و شوفة. مولانا
- و شربة من النعيم لا واحد ينهيك
- و فواكه اصناف بوفرة و كفاية
- ابياتي نختم و نزيد نوصيك
- تحرص. عالطاعة و قوي لعبادة
- بقلم / عامر عمر
شاعرة
الجمعة، 24 فبراير 2017
يا خويا اسمع *** بقلم الاستاذ الكاتب عامر عمر
الاشتراك في:
تعليقات الرسالة (Atom)
ليست هناك تعليقات:
إرسال تعليق