يعني ايه كلمة مدير.....وائل سعيد

يعنى ايه كلمة مدير
يعنى حارس على الضمير
يعنى كلمة سر تفتح
للصغير والكبير
يعنى قمة النباهه
والمشاكل له تفاهه
ايده تتلف فى حرير
طاهرة ما تعرف نجاسة
أو تلاعب أو وساطة
عمره ما يكون لك شرير
يعنى ايه كلمة مدير
يعنى دكتور فى الكياسه
لطيف ما يعرف غلاسة
والعسير به يسير
مش فارقة بدلة أو قميص
أهم حاجة يكون حسيس
طويل قوى او كان قصير
بعد ما يطلع معاش
الكل يحلف به ما شاف
كان بحق الله مدير
يخدم صغير أو كبير
.....وائل سعيد.....