____________ قالوا عليها ثورة _________
قالوا عليها ثورة
هبينا فيها بإصرار وبعزم حديد
وبإرادتنا المنتصرة
مهمناش الرصاص وغدرالتهديد
ونلبي ندا الأخرة
وصدورنا فيها صراخ وزغاريد
كانت حياتنا مره
والهموم جوانا كهولة وتجاعيد
وكانت الفرحة طايرة
والطيور بتبارك لنا بسلام الأيد
وطردنا السواد بره
ودوقنا طعم فرحة الوقفة والعيد
قالوا عليها ثورة
وارتوت بدم ايه ومحمد وسعيد
فرحنا بالكلمة الحرة
وح نشوف الوطن بثوب جديد
وح نلقا الأرض خضرة
والعداله ح ترفع قاع الحضيض
وينتهي عهد السخرة
ومش ح يبقي حد فينا جاهل وبليد
واللي عايز الشهره
مش ح يبقا له وسطنا أي وجود
ح يموت بالقهرة
ونور الحقيقة ح يطهرنا من المسنود
قالوا عليها ثورة
كان ليها عنوان العدل هو المنشود
بس كانت حمرة
لما سال علي صدرها دم الشهيد
وكان عنوانها ثورة
بس مفعولها ما حسش به الوريد
___________________________________
٠٠٠٠٠٠٠٠٠٠٠ الشاعر حسن الشوان ٠٠٠٠٠٠٠٠٠٠٠٠٠٠
ليست هناك تعليقات:
إرسال تعليق